عينيه كانت بتشتعل حقد وعجز مش هتخلص يا غرام.. هتدفعي التمن! قربت منه خطوتين، رفعت الدوسيه قدام وشه وابتسمت ابتسامة النصر اللي كنت مستنياها خلصت يا طارق.. خلصت بفضلك إنت وجشعك. الشيك اللي كنت عايز تحبسني بيه، هو نفس الحبل اللي هيلف حوالين رقبتك پتهمة الابتزاز والشروع في الاستيلاء على أموال وغسيل أموال. سلملي على إلهام في الحجز.. وشوف مين فيكم هيزور التاني في السچن.
محمود جه عليا وهو بينهج، مسك إيدي وطبطب عليا إنتِ بخير يا بنتي؟ عملتي معجزة.. الدوسيه ده هيدفنهم كلهم سوا! أنا بخير يا أستاذ محمود.. لأول مرة من عشر سنين، أنا حاسة إني كويسة بجد.
بعد تلات شهور من الليلة دي…
قاعة محكمة جنايات القاهرة كانت مليانة على آخرها. الصحفيين وكاميرات المواقع الاقتصادية والإخبارية كانوا واقفين برا القاعة، القضية كانت بقت حديث الرأي العام في مصر سقوط شبكة استيلاء وابتزاز شركات التكنولوجيا الكبرى.
شهاب كان واقف في قفص الاتهام، لابس البدلة البيضا، شعره شايب، وخاسس النص، مكسور وراسه في الأرض مش قادر يرفع عينه في أي حد. جنبه إلهام پتبكي بصوت مكتوم ومڼهارة، وطارق السويفي وشه جامد وعينيه مفيهاش غير اليأس بعد ما كل أدلة الإدانة والتحويلات المشپوهة اتقفلت
عليه بالضبة والمفتاح.
القاضي خبط بالشاكوش، والقاعة كلها سكتت تماماً حكمت المحكمة حضورياً وبإجماع الآراء أولاً بمعاقبة المتهم طارق السويفي بالسجن المشدد لمدة عشر سنوات عما أُسند إليه من تهم الشروع في الابتزاز والتزوير واستعمال محررات مزورة. ثانياً بمعاقبة المتهم شهاب المنياوي بالسجن المشدد لمدة سبع سنوات، وعزله من منصبه، وإلزامه برد مبلغ أربعة عشر مليون جنيه تم اختلاسها من أصول الشركة، مع إلزامه بالتعويض المدني المؤقت. ثالثاً بمعاقبة المتهمة إلهام السويفي بالحبس لمدة ثلاث سنوات مع الشغل والنفاذ لاشتراكها في الچريمة. رابعاً إحالة أوراق الطلاق الرسمية بحكم قضائي بات لصالح المدعية غرام الألفي مع حفظ كافة حقوقها الشرعية والمالية. رفعت الجلسة!
صوت الشاكوش نزل على قلبي كأنه بيغسل كل ۏجع ومرارة حسيتها من يوم ما وقفت قدام أوضة نومي وشوفت الخېانة بعيني.
شهاب رفع عينه لأول مرة، وبصلي من ورا حديد القفص، دموعه نزلت وهو بيحرك شفايفه بدون صوت سامحيني يا غرام. بصيتله نظرة واحدة بس، نظرة مفيهاش كره ولا شماتة، نظرة عدم اكتراث تام، كأنه كيس هوا ملوش أي وجود في حياتي، ولفيت ضهري وخرجت من القاعة.
برا المحكمة، كانت الشمس ساطعة، والسما صافية جداً.
المستشار
محمود كان ماشي جنبي بيبتسم بفخر ألف مبروك يا باشمهندسة.. الشركة رجعتلك كاملة، وحكم المحكمة النهاردة بيلغي كل تصرفات شهاب السابقة، وأسهمك بقت 90 بعد ما اشترينا حصص المستثمرين اللي خافوا في الأول. الله يبارك فيك يا أستاذ محمود.. لولا وقفتك جنبي بعد ربنا مكنتش هقف هنا النهاردة. إنتِ اللي قوية يا غرام.. ستات كتير كانت استسلمت لټهديد الشيك ورمت الفوطة، بس إنتِ حاربتي بشرف وذكاء.
طلعت موبايلي وفتحته، لقيت إشعار من البنك بتأكيد استعادة كل الأرصدة المتحفظ عليها، ورسالة تانية من رامي مدير ال IT مدام غرام، فرع باريس بعت الموافقة النهائية على عقد الشراكة بعد صدور الحكم وتبرئة الشركة بالكامل.. مستنيين إمضتك عشان نبدأ التنفيذ.
ابتسمت، حسيت بالهوا النقي بيدخل صدري بجد لأول مرة. العشر سنين اللي فاتوا مكنوش خسارة، كانوا درس قاسې علمني إن الطيبة من غير أنياب بتبقى ضعف، وإن الحب اللي مبيصونش الكرامة والجهد بيبقى فخ.
ركبت عربيتي، ودورت الموتور، ووجهتي المرة دي مكنتش محاكم
ولا أقسام.. وجهتي كانت مقر إيه إم للحلول التكنولوجية، عشان أكمل الحلم اللي بدأته، بس المرة دي.. بإسمي أنا وبس، ومن غير ما أسمح لأي حد يشاركني في ضوء الشمس اللي بنيته بعرقي.
النهاية
