روايات وقصص

صحيت من النوم على ج 2

ما رديتش.

بعدها

إنتِ بتدمري مستقبلي.

قريت الجملة أكتر من مرة.

وبعدين ضحكت.

أنا بدمر مستقبله؟

فتحت الباب.

كان واقف قدامي وشه أصفر.

أول ما شافني قال

إنتِ بلغتي؟

قلت

أيوه.

حط إيده على راسه.

إنتِ مجنونة؟

قلت

لأ.

عارفة ده ممكن يعمل فيا إيه؟

قلت

لأ.

وقربت منه.

بس الغريب إنك عمرك ما سألت نفسك الفيديو عمل فيا إيه.

قال

أنا ما نشرتش الفيديو!

قلت

بس كنت عارف.

اتجمد.

قلت

نادين قالت كل حاجة.

وشه اتغير.

قالتلك إيه؟

كفاية.

دخل من الباب وقفل وراه.

مريم، اسمعيني.

قلت

أنا سمعتك كتير.

أنا لما عرفت إنها مجهزة الفيديو، خوفت تعمل مصيبة.

عشان كده قولتلها تخلي بالها مايبقاش في دليل يرجع لكم؟

سكت.

وشه فقد لونه.

قلت

مش دي الجملة اللي قولتهالها؟

ما ردش.

قلت

إنت ماكنتش خايف عليا.

دموعي نزلت، لكن صوتي فضل ثابت.

إنت كنت خايف تتكشفوا.

قال

أنا غلطت.

ضحكت.

أخيرًا.

قرب مني.

أنا هطلق نادين.

قلت

وأنا مالي؟

اتصدم.

يعني إيه؟

يعني مشكلتي مش إنك متجوز نادين.

بصيت في عينه.

مشكلتي إنك شفت واحدة بتحضر حاجة تدمرني، وسكت.

قلت

وبعدين لما اتدمرت، وقفت جنبي تمثل إنك جوزي.

مد إيده ناحيتي.

بعدت.

مريم، إحنا بينا خمس سنين.

قلت

كانوا بينا.

وساعتها حطيت ظرف قدامه.

بصله.

إيه ده؟

قلت

الورق اللي المحامية قالتلي أديهولك.

بصلي.

قلت

أنا مش عايزة أكمل معاك.

فضل واقف مكانه.

ولأول مرة…

أدهم ماكانش عنده كلام يقوله.

خرج.

بعدها بساعات، حماتي كلمتني.

ما رديتش.

كلمت تاني.

وتالت.

وفي الآخر بعتت

عايزة أشوفك لوحدنا.

كنت ممكن أتجاهلها.

لكنني وافقت.

مش عشان أسمع تبريرات.

كنت عايزة أشوف الست اللي كانت فاكرة إن حياتي ورقة في إيدها.

قابلتها في مكان عام.

جات من غير مكياج تقريبًا، وشكلها أكبر بعشر سنين.

أول ما قعدت قالت

إنتِ مبسوطة؟

قلت

من إيه؟

من اللي عملتيه في العيلة.

بصيتلها.

نفس الطريقة.

حتى دلوقتي شايفة نفسها الضحية.

قلت

أنا ماعملتش حاجة في عيلتك.

قالت

أدهم حياته بتضيع، كريم متخانق مع مراته، ونادين قاعدة عند أمها بتعيط.

قلت

والفيديو؟

سكتت.

قلت

شغلي اللي اتأثر؟

سكتت.

اسمي اللي اترمى قدام ملايين الناس؟

سكتت.

قلت

كل ده بالنسبة لك كان

 

 

 

 

 

إيه؟

قالت

أنا ماكنتش أعرف إن الموضوع هينتشر بالشكل ده.

قلت

بس كنتي عايزاه ينتشر.

قالت

كنت عايزاكي تسيبي أدهم.

هزيت راسي.

ليه؟

قالت من غير تردد

عشان نادين كانت بتحبه قبلك.

ضحكت.

يعني دي كانت جريمتي؟

سكتت.

قلت

إني اتجوزت ابنك وهو اختارني؟

قالت

نادين كانت مستنياه سنين.

قلت

وهو اتجوزني.

بصت بعيد.

قلت

المشكلة إنك عمرك ما شوفتي نادين غلطانة.

دي بنت أختي.

وأنا كنت مرات ابنك.

سكتت.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى